في المستشفى
في المستشفى، وأنا لسه لابسة أسورة الطوارئ في إيدي، أمي قالت لي ب كل برود مرضك ده مش مشكلتنا، وإحنا جايبين العيلة كلها وجايين يوم الجمعة!.. 12 فرد من العيلة وصلوا ب شنطهم عشان يقضوا أسبوعين ببلاش في فيلتي.. أنا ما اتجادلتش معاهم غيرت شفرة البوابة الإلكترونية، وجهزت ملف أسود.. ولما وصلوا وشافوا مين اللي قاعد جوة، أمي بدأت تصرخ كإن جني ركبها!
وهو يعني عشان أنتِ كنتِ ھتموتي في العناية المركزة، نقوم نلغي إجازتنا؟ إحنا خلاص أخدنا الإجازة وظبطنا أمورنا!
أمي قالت الجملة دي ب كل قسۏة، والممرضة لسه بتظبط جهاز المحاليل جنب السرير بتاعي!
أنا اسمي كارما، عندي 34 سنة.. وقبل الواقعة دي ب 11 يوم بس، وقعت مغمى عليا في مكتبي ونقلوني على المستشفى. الدكاترة قالوها لي ب خط عريض راحة تامة، أدوية ب الانتظام، بلاش أي ضغط عصبي، وممنوع حركة ل أسابيع!
بس عيلتي سمعت كلام تاني خالص..
أبويا، كمال، قعد على الكرسي في الأوضة وقال ب تحكم
يوم الجمعة الجاي إحنا كلنا هننزل عندك في فيلا الشروق.. هنكون 12 فرد وهنقعد 10 أيام.
ما كانش بيستأذن.. كان بيبلغني ب أمر واقع!
أختي الكبيرة،
لمياء، ابتسمت ب تناحة من على الكنبة
أهو تغيري جو واللمة تفرفشك بدال ما أنتِ لوحدك.
رديت ب تعب لأ.. أنا محتاجة أرتاح، وما أقدرش أستقبل أي ضيوف.
أمي، ماجدة، بوزت وشفتها اتلوت
كارما، خلاص الناس كلها ظبطت مواعيدها وإجازاتها!
يبقى يغيروا خططهم!
لمياء ضحكت ب استهزاء.. وأبويا ضحك معاها!
وبعدين طلع موبايله وصورني صورة.. كنت طالعة فيها وشي أصفر زي الليمونة، وبأسورة المستشفى في إيدي، والكانويلا لسه في دراعي.
بعد ساعتين بس.. الصورة دي كانت محطوطة على الجروب العائلي، وأمي كاتبة تحتها
أخيراً هنجمع العيلة كلها في بيتنا اللي في الشروق!
بيتنا؟!
الكلمة دي حرتني في قلبي أكتر من أي ۏجع في جسمي..
البيت ده مش بيتهم!
أنا اللي اشتريت الأرض دي من 6 سنين.. دفنت نفسي في الأقساط، وصرفت تحويشة عمري، واشتغلت شفتات سبت وأحد ل مدة 4 سنين عشان أبنيه! أبويا كل اللي عمله إنه وقف معايا 3 أيام بس بيشرف على صبة السقف.. ومن ساعتها وهو بيحكي للناس كلها وكأنه بناه ب إيديه!
لما خرجت من المستشفى، رجعت بيتي لوحدي..
في المطبخ فتحت الجروب العائلي ولقيت مصېبة أكبر!
لمياء أختي كانت بعتت
لينك ل موقع بتجهز فيه ل خطوبتها من شريف..
والصور اللي محطوطة كانت ل بيتي أنا!
والعنوان مكتوب فوقيه ب الخط العريض
فيلا العائلة.. إنجاز الحاج كمال M.
وتحت.. حاطين صور الجنينة بتاعتي ك مكان ل حفل الخطوبة!
حمام السباحة بتاعي..
الروف بتاعي..
حتى الشجرة اللي زرعتها ب إيدي!
اتصلت ب أخويا الصغير كريم
إيه اللي بيخططوا له ده؟
كريم سكت شوية وبعدين قال أنا افتكرتك عارفة..
وبعت لي سكرين شوتس من جروب تاني للبيت أنا مش فيه!
لمياء كانت كاتبة كارما هتنكد شوية وتتحمق، وبعدين تهدى وتعدي المواضيع كالعادة.
وفي مسج ثانية لو لقيتوها نايمة، استخدموا ريموت البوابة القديم.
وبعدها أهل شريف جايين السبت، وبابا عاوز يفرّجهم على الفيلا على أساس إنها تصميمه وبتاعته عشان يتفشخر قدامهم!
دمي اتجمد في عروقي..
دي مش مجرد زيارة عائلية!
دول مستغلين بيتي عشان يتفشخروا قدام أهل عريس لمياء! أبويا عاوز يظهر قدامهم بطل ورجل أعمال صاحب أملاك، وأختي عاوزة تبان إنها بنت عز، وأمي وعدت الكل ب مصيف وبلاش ل مدة أسبوعين!
حتى فيه ناس معزومين أنا عمري ما شفتهم في المستشفى!
كتبت ل الكل ب حسم
الفيلا
مش مجهزة ولا متاحة ل أي حد.. محدش