بعد خمس سنين

وقال انا عارف اني مينفعش ادخل حياتكم مرة واحدة بس ممكن ابدأ من الصفر ممكن اجي اخده من المدرسة مرة في الاسبوع
قلت له المدرسة لا لسه بدري بس ممكن تيجي الجنينة اللي تحت البيت كل سبت تلعبوا ساعة وانا هبقى قاعدة بعيد بتفرج
وفعلا بقى ييجي كل سبت في الاول ابني كان مكسوف منه وبعدين بقى يستناه من يوم الخميس ويقوله يا بابا جبتلي ايه
وبعد شهر ابني قال لي يا ماما هو بابا ممكن يبات عندنا مرة عشان نفسي اصحى الاقيه جنبي زي صحابي
قلبي وجعني ساعتها وقلت له لما تكبروا انتوا الاتنين شوية وتبقوا صحاب بجد ساعتها ممكن
وعلى فكرة انا مرجعتش لجوزي السابق ولا هارجعله مش عشان لسه زعلانة بس عشان انا بقيت ست تانية ست قوية عندها شغلها وابنها وحياتها ومش محتاجة راجل يصدقها عشان تحس بقيمتها انا قيمتي في شغلي وفي ابني اللي ربيته لوحدي خمس سنين
بس اديته فرصة يبقى اب ودي كانت اهم حاجة عندي ان ابني ميكبرش وهو حاسس ان ابوه رماه زي ما ابوه كان فاكر ان امه خانته
والنهاردة بعد ما عدت شهور على ليلة اليخت ابني كل ما يشوف يخت في التليفزيون يقول ماما فاكرة ليلة الدلافين اللي شفنا فيها بابا
وانا بضحك واقول فاكرة يا حبيبي دي كانت احلى ليلة دلافين في حياتنا كلنا
كملنا الليلة دي ونزلنا من اليخت الصبح بدري والبوليس كان مستني على المينا واخدوها وهي لابسة الفستان السواريه بتاع الحفلة وشكلها متبهدل خالص وبتعيط وتقول انا مظلومة ده كله كدب
بس الورق مبيكدبش
النيابة فتحت اللابتوب بتاعها ولقت عليه فولدر كامل باسم مشروع التنضيف وجواه كل الصور المفبركة والايميلات المزيفة اللي اتعملت من خمس سنين ومش بس كده لقوا عليه سكرين شوتس لمحادثات بينها وبين مصور فوتوشوب كانت بتقوله عايزة الصور تبان طبيعية كأنها متصورة بموبايل واديته 2000 دولار عشان يعملها
جوزي السابق لما شاف الفولدر ده بعينه قعد على الكرسي وحط وشه بين ايديه وقعد يعيط زي العيل الصغير وقال انا ازاي صدقت ده انا ازاي خليتها تلعب بيا كده انا طلقت مراتي وهي حامل ورميتها في الشارع بشنطتين عشان شوية صور مفبركة
قلت له انت مصدقتش الصور انت صدقت انها ممكن تعمل كده عشان عمرك ما شفتني بجد كنت شايفني دايما اقل منك ومن عيلتك وده اللي خلاك تصدق بسرعة
سكت ومعرفش يرد
بعد التحقيق باسبوع صاحب اليخت كلمني وقال انه رجع 12 مليون من ال 17 مليون والباقي كان اتحول لشركات عقارات باسمها في دبي ولندن واتحجز عليها خلاص وقال انا هديكي مكافأة نهاية التحقيق 10 في المية زي ما اتفقنا
قلت له انا مش عايزة نسبة من فلوس مسروقة انا عايزة اتعابي بس
قال اتعابك اصلا 500 الف دولار وانا هحولهم وكمان هزود عليهم مكافأة شخصية مني ليكي عشان رجعتيلي سمعتي قدام المستثمرين
وفعلا حول الفلوس وانا اول مرة في حياتي اشوف رقم كبير كده في حسابي انا اللي كنت من خمس سنين بشتغل شيفتين عشان ادفع ايجار اوضة صغيرة انا وابني
اول حاجة عملتها اخدت ابني ورحنا اشترينا بيت صغير بجنينة في حتة هادية قريبة من مدرسته بيت بتاعنا احنا بس مكتوب باسمي واسمه هو كمان عشان يحس انه عنده بيت بجد
تاني حاجة فتحت شركة صغيرة باسمي للتحقيقات الرقمية وبقيت اشغل معايا بنتين شاطرين لسه متخرجين وبديهم مرتب كويس عشان ميحتاجوش لحد
جوزي السابق بقى ييجي كل سبت