عايز اكشف

نور قالت بفرحه: بجد؟ طب اول ما تدخل تركبها.
ضحك وباسها بسرعه وقال: من عنيا.
ومشي و خبط على اوضه سوزي.
فتحت له ودخل بسرعه و قفل الباب، وكانت لابسه قميص باللون الازرق، قربت منه وقالت: كل ده يا دكتور؟ بقالي ساعه باتصلت عليك.
راشد قال بارتباك: اه، اصلي كنت مستني مراتي تنام، اصلها بتنام من المغرب.
سوزي قربت منو جامد وقالت: جوزي كمان بينام من المغرب.
راشد قال بمعاكسه: حد يكون معاه العسل ده وينام من المغرب؟ راجل ما بيفهمش خالص.
ضحكت بمياعه وقالت: اصبلك؟
راشد قال: يا ريت.
سوزي بقت تصبلو كاسو، وهو استغل انشغالها ووقف جمب الكمود و كانت في ايده كاميرا صغيره خالص، بقى يحاول يثبتها في الورد اللي وراه من غير ما تاخد بالها وهو بيقول: مقولتليش يعني، انتي اتجوزتي من امتى؟
سوزي قربت منه وقالت: خمس شهور… خمس شهور وهو على نفس الحاله.
وقالت: انا حاسه بوحده صعبه.
في الوقت ده كانت الكاميرا اشتغلت، و نور بتشوف الاوضه كويس جدا وشافتها واقفه جنبه وحاطه ايدها ورا رقبته وبيشربوا سوا وكانت هتطق.
راشد قال بتوتر: وعلى كده بقى معندكيش اولاد؟
سوزي ضحكت وقالت: بقولك بينام من المغرب، اولاد ايه؟
وقربت منه قوي وقالت: بس نفسي في اولاد.
راشد بلع ريقه بارتباك لانه عارف ان نور شايفاه وقال: احم، كلنا نفسنا في اولاد.
وبعد وقعد على السرير وبقى يشرب بارتباك.
سوزي اخذت منه الكاس وقربت عليه وقالت: احنا هنتكلم كثير ولا ايه؟
راشد بصلها بعدم فهم مصطنع وقال: امال هنعمل ايه؟
سوزي ضحكت جامد ودفعته على سرير وقالت: مش وقت هزار.
هنا نور مقدرتش تتمالك اعصابها وراحت على الاوضه بسرعه.
نور مقدرتش تتمالك اعصابها وراحت على الاوضه بسرعه، وخبصت على الباب جامد وجريت على الاوضه تاني.
سوزي انتفضت پخوف وجريت على الباب فاكره جوزها وقالت لراشد يستخبى ورا الستاره.
وفتحت الباب وبقت تبص شمال ويمين ملقيتش حد، دخلت وقفلت الباب وقالت: غريبه مفيش حد.
راشد كان عايز يضحك لانه عارف انها نور بس قال: احم، يمكن حد سکړان ولا حاجه.
قربت منه تاني وقالت: قولي بقى عامل ايه مع مراتك؟
راشظ ضحك وقال: مراتي دي زي العسل، بس مجنونه حبتين.
قربت منه اكتر بس تليفونه رن، سوزي نفخت پغضب وقالت: وبعدين بقى، مش هنخلص!
راشد قال: معلش مكالمه مهمه.